27 il öncə İmam Xomeyninin Sovet rəhbəri Qorbaçova ünvanladığı məktubu yada salırıq.
Arannews-1989-cu il yanvarın 1-də İranın Ali dini lideri İmam Xomeyni Sovetlər Birliyinin rəhbəri Mixail Qorbaçova xüsusi məktub ünvanladı. Məktub SSRİ-nin süqutunu illələ öncə xəbər verirdi.
Məktubda deyilir: Sizin hakimiyyətə gəlişinizdən sonra dünyada, xüsusən SSRİ-də siyasi hadisələrin analizinə yeni yanaşma hiss olunur. Dünyadakı real siyasi hadisələrə cəsarətli və müdrik yanaşmağınız ümumi situasiyanın dəyişməsi üçün əsas ola bilər.
Əgər siz bu yolda daha irəli getmək istəyirsinizsə, onda heç şübhəsiz ki, sizə uğur gətirəcək ilk iş sələflərinizin Allah və dindən imtina edərək Sovet dövləti xalqına ağır zərbə vuran siyasətini dəyişməyiniz olar.
Əlbəttə, sizdən öncəki kommunist rəhbərlərinin iqtisadiyyatda yanlış metodikası və səhv hərəkətləri ona gətirib çıxara bilər ki, Qərb sizi heyran edə və çiçəklənən bağ kimi görünə. Amma bilin ki, həqiqət bunda deyil. Əgər siz kommunizm və sosializmin iqtisadi problemlərini həll etmək üçün Qərb kapitalizminə üz tutsanız, onda nəinki öz cəmiyyətinizi problemlərdən xilas edəcəksiniz, əksinə, sizdən sonra gələnlər sizin səhvinizi düzəltməli olacaq…
Ola bilsin ki, siz hələ marksizmdən üz döndərməmisiniz və hər yerdə onun doğruluğundan danışırsınız. Amma özünüz də anlayırsınız ki, bunu sübut etmək mümkün deyil. Kommunizmə ilk zərbəni Çin rəhbəri, sonuncu və ən sarsıdıcı zərbəni isə siz vurdunuz!