Arannews:Maide.Az “RT”ə istinadən xəbər verir ki, Təşkilat ötən beş ay ərzində 2110 yəmənlinin vəba epidemiyası səbəbindən həlak olduğunu və 725 min 400-dən artıq insanın bu xəstəliyə yoluxduğunu bildirib.
Qeyd edək ki, Səudiyyə Ərəbistanı rəhbərlik etdiyi koalisiya qüvvələri ilə birlikdə 2014-cü ilin 27 mart tarixindən etibarən Yəməndə legitimliyi dəstəkləmək bəhanəsilə bu ölkəyə hücuma keçib və Yəməni hərtərəfli blokadaya alıb.
Bir müddət öncə BMT-nin Humanitar İşlər Yardım Koordinatorluğu Ofisi (OCHA) öz "twitter" səhifəsində verdiyi açıqlamada, işğalçı Səudiyyə Ərəbistanı rejiminin Yəmənə qarşı təcavüzü nəticəsində bu ölkədə 10 milyona yaxın uşağın təcili humanitar yardıma möhtac olduğunu bildirmişdi.
Səudiyyə rejiminin Yəmənə qarşı hərbi təcavüzü nəticəsində indiyədək 12 mindən çox yəmənli ölüb, on minlərlə əhali yaralanıb, milyonlarla insan didərgin düşüb və ölkənin infrastrukturu məhv olub.
Səudiyyə Ərəbistanının yoxsul Yəmənə qarşı hərbi təcavüzü Yəmənin ərzaq və dərman çatışmazlığı ilə üz-üzə qoyub və bu ölkədə yoluxucu xəstəliklərin geniş yayılması ilə nəticələnib.
Məhdud sayda BMT ərzaq və tibb tədarükündən əlavə Yəmənə heç bir ərzaq və tibbi malları buraxmır.